ACD FURABOLOS

20/2/10

COMEZA A CONTA ATRÁS PARA O "BILLARDA ALL STARS 2010" NO CONCELLO DO PINO!!
Despois de tanta emoción nas pistas de cada Conferencia chega o tan desexado primeiro gran estalo Nacional , donde se vai tecer a descomunal tearaña billardeira que é hoxe a LNB. E como non podía ser menos , son, outro ano máis , os encarapuchados da LNB os encargados de facer saltar todas as alarmas para comezar a excitante conta atras cara o vindeiro 7 de Marzo na Pista do Marquiño do Concello do Pino desputar unha nova edición do Billarda All Stars. Atentos ás pantallas porque apresentaremos o explosivo cartaz de actos con dóbel sesión de mañá e tarde. É por elo que chamamos á coordianción de accións en tódolos frontes, búscase coma sempre a participación de representación das catro conferencias , nista edición ademáis máis importante ca nunca xa que se vai por en marcha a Mesa Nacional da LNB , un órgano referencial para abranguer de xeito óptimo os grandes desafíos deportivos e sociais nos que está inmersa a tribo LNB. Comeza a conta atrás para ir organizando as serpes de carros dende as conferencias, incluida a Norleste que ista vez acudirá ó Pino ó bravo coma o resto dos palanadores e palanadoras, ademáis pedimos xa que os coordinadores vaian aproximando o número de asistentes para o xantar de irmandade e facilitar así a xestión dos irmáns Furabolos.....fungan xa as billardas cara o Pino!!

O Pino co All star da Billarda

A SERPE DE CARROS CARA O ALL STARS SITÚA O RETROVISOR ANTES DE INICIAR A MARCHA CARA Ó PINO!!
Na boráxine dunha infinda fuxida cara diante que é a revolución LNB , convén de vez en cando botar un ollo polo retrovisor para non pegarse a gran ostia. Nun intre que xa rumban os motores da serpe multicor na conta atrás cara ó Billarda All Stars do 7-M no Pino a brisa do poderoso vento de cavarnadá empúranos ó frente e fainos botar un chisco a ollada atrás nun espectacular análise de presente, pasado e futuro disna nosa imparábel revolución na que estamos inmersos: ..... crear unha liga nacional con varias conferencias, all star, torneos, competicións parroquiais... Posibelmente houbese miradas condescendentes ou desconfiadas sobre o proxecto, unha aposta polo gozo do deporte que rexeitaba a ollada etnográfica e museística, que non quería teorizar para as librarías nin as bibliotecas, que fuxía de acabar pechado na etiqueta dos "xogos populares" (ámbito este moi importante, desde logo, mais diferente do deportivo e de competición). O tempo deulles a razón aos hoxe amos da billarda, convertida a LNB nunha realidade deportiva e cultural aberta e ampla, feita día a día desde a base, construída de abaixo a arriba, sen apenas apoios, e que soubo vincularse á cultura e aos movementos sociais sen supeditarse a eles, sumando e achegando unha mirada fresca, alegre, tamén combativa. Feble no económico, mais fortísima no compromiso e gozo dos seus xogadores e seareiros.[ le o estalo íntegro akí ]

1/2/10

Os Furabolos na LNB Noroeste

3/1/10

23/10/09

Domingo 8 de Novembro>> III Copa Cantábrica: A Auténtica defende o posesión do Copo fronte á poderosa selección Asturiana. Xogarase ó stilo CNL , é dicer, no canto de introducir a billarda no Varal farémolo no espezo circular que eles denominan "castru". Ginés dos Remourlle Bulls encabeza a listaxe da Selección Galega ó imporse no Aberto da Auténtica celebrado na previa daquel mítico Galiza-Iran de futbol na Coruña , ademáis vai facer as función de xogador-seleccionador polo que será quen mova os peóns da Auténtica na pista axudado ademaís pola capitana da selección que será Carmiña. A LNB porá á disposición dos palanador@s a Guagua da LNB con saída ás 9 h da estación de buses de Ribadeo cun custe máximo do billete de 10 euros + o xantar de custe tope 12 euros:. Inscríbete xa para formar parte da expedición da Auténtica e saber as prazas que necesitamos: ovaral@hotmail.com / 619.570976 -Sábado 14 de Novembro:

I PASAIKo BADIA IREKIA [txirikila-billarda] I ABERTO BAHÍA DE PASAIA>> Atención: Haberá serpe de carros dende a Galiza coordinada dende a Conf. Sur , o embaixador-billerdeiro en Euskal-Herria Mourinho será o encargado de o venres conducir a palestra sobre a billarda e a revolución LNB cunha espectacular montaxe audiovisual e a expedición da Auténtica será que o sábado pola mañá de coordine o Aberto na vila de Pasaia, se pensas que podes ser útil nista explosiva aventura inscríbete xa para organizar ista expedición que vai facer história: 627.780891 / abelaido@hotmail.com

10/10/09

Ivan dos Furabolos proclamouse vencedor do 1º aberto puntuable para a liga da conferencia centro 09/10, o vencer nunha final a tres a Basilio dos Trouleiros e a Carpinteiro do sporting da Pontraga; facendose así co liderato da liga e poñendo os furabolos como 1º de equipos.

MEMBROS DE ACD FURABOLOS:

PRESIDENTE: XOSE ANTON
SECRETARIA: RAQUEL
TESOUREIRO: TOÑO
VOGAL 1: IVAN
VOGAL 2 : YOLANDA

QUEN SOMOS:
Somos unha asociación de xogos tradicionais especialmente baseados no xogo da billarda, coa nosa sede ubicada en Lardeiros concello do Pino .Co ánimo de espandir polo mundo enteiro este xogo (e outros xogos tradicionais) levamos uns meses rocorrendo toda Galiza, competindo con outra xente e preparándonos para poder ensinar e fomentar iste deporte.

FUNDAMENTO DO XOGO :

O xogo consiste en tratar de chegar coa billarda ata o varal antes cao teu contrincante, utilizando para o mesmo golpexos que imos dando co palán na billarda, despois de levantala do chan co mesmo, e golpeala posteriormente no aire para enviala cara o varal.

NORMAS DO XOGO:

O xogo realizase nun campo de forma rectangular e cunhas medidas de 50 metros de longo por 20 metros de ancho. O campo ten marcado as medidas do mesmo cunha raia que une os puntos todos do mesmo. Ó mesmo tempo nun dos laterais de 20 metros ten marcado no centro un cadrado de 60 cm x 60 cm denominado zona de saque. No outro lateral está marcado o varal que ten unha medida de 3,60 metros de lonxitude. O varal non posúe longueiro polo que prolongaremos a liña imaxinaria dos postes.
Tendo o campo marcado comenzamos a xogar:

XOGAMOS:

Os palanadores situanse na zona de saque, cada un co seu palán e máis coa súa billarda. A orde de lanzamento será alternativa.

O primeiro palanador situa a súa billarda no chan e sobre a zona de saque. Co palán suxeitado coa man temos que golpeala billarda nun dos seus extremos para que ela brinque polo aire e así poder baterlle de novo sen que a mesma caia ó chan. No lanzamento trataremos de que a billarda colla a dirección do varal. Cada xogador só ten unha opción de golpe válida, polo que se o xogador golpea a billarda no chan e esta non se levanta, considerase opción de tiro, e pasa o turno ó contrincante. Se a billarda se levanta do chan pero non a golpeamos no aire, ocorre o mesmo, pasa o turno ó contrario. Calquera situación na que a billarda é tocada polo palán, está considerada coma lanzamento, tanto se é un bo lance, coma se é malo. A billarda nunca se pode golpear desde que toque no chan despois de ser levantada, pero mentras que a mesma non o toque, podémola golpear no aire tantas veces coma a nosa habilidade nolo permita.

No primeiro lanzamento o xogador pode chegar a conseguir introducir a billarda no varal, acción que se denomina "varado". Se esto sucedese ó seu contrario tería que facer a mesma xogada para empatar a partida, senón a partida xa ten gañador. Se o primeiro lanzamento non consegue ser varado, o palanador fai o seguinte lanzamento desde o sitio que a billarda se detén despois de ser lanzada. Está prohibido mover, parar ou desviar a billarda intencionadamente mentras a mesma está rodando. Se este mesmo lanzamento, ou calquera outro, sae por fóra da pista o seguinte faise desde o punto da liña por onde a billarda se bote fóra, denominada esta acción "saque de banda". Só podemos sacar de banda cando a billarda despois de ser lanzada toca polo menos unha vez dentro da pista, porque se o lanzamento sae fóra directamente, vólvese ó sitio de onde lanzamos. Se o lance sae pola liña de fondo, a billarda volve a situarse no mesmo sitio

No caso de que unha billarda caia ou pare xusto na liña de banda ou na liña de varal, só se considera que está fóra ou dentro respectivamente, cando a billarda supera por completo a liña, tendo que estar todo o corpo da billarda do outro lado.

Como xa dixemos, a orde de tiro é alternativa, e gaña a partida aquel xogador que consegue meter a billarda por entre o varal antes ca o seu contrincante, usando sempre o mesmo número de lances ámbolos dous palanadores. Pode darse o caso de que unha partida quede en empate, sempre que no memos número de golpes os palanadores metan as súas billardas no varal.

COMPETICIÓNS:

Segundo o número de xogadores a participar no xogo pódense organizar diferentes tipos de competicións, o que mais se fai son abertos ou liguillas entre os palanadores.