ACD FURABOLOS: 09/01/2009 - 10/01/2009

18/9/09

Con motívo das festas de Negreira e a inaguración do polideportivo, os de xogos tradicionais de Santiago van celebrar unhas xornadas de chave, trompo, aro e de billarda ou estornela. Furabolos e a conferencia centro van colaborar con eles facendo unhas pequenas demostracións pa xente que queira participar.

10/9/09

6/9/09

Liga nacional de billarda

Como xa sabedes a liga nacional de billarda estrea, a conferencia centro que terá como obxectivo unha delegación aqui no centro é dicir abarcará a comarca de Santiago, Ordes, a Estrada e o Barbanza.
A liga comezará o máis probable o 27 de setembro 09 por eso convocamos unha reunión o 11 de setembro no bar O Puente (saída Milladoiro cara a Santiago)ás 21:00 para os equipos que queiran inscribirse e preparar algúns detalles de última hora.

CALENDARIO liga LNB 2009/2010
4 deOUTUBRO: 1ª Xornada LNB: 1º Aberto..
18 DE OUTUBRO: 2ª xornada LNB: 2ºAberto..
22 DE NOVENBRO: 3ª Xornada LNB: 3º Aberto..
13 DE DECEMBRO 4ª Xornada LNB: 4º Aberto..
20 DE DECEMBRO: 5ª Xornada LNB: 5º Aberto..
17 DE XANEIRO: 6ª Xornada LNB: 6º Aberto..
7 DE FEBREIRO 7ª Xornada LNB: 7º Aberto..
14 DE MARZO 8ª Xornada LNB: 8º Aberto..
25 DE ABRIL: 9ª Xornada LNB: 9º Aberto..
9 DE MAIO: 10ª Xornada LNB: 10º Aberto..

ABERTOS NON PUNTUABLES PA LIGA

8 NOVEMBRO: Copa Cantabrica
7 MARZO : All Stars
25 ABRIL: Xerro do Salnes

30 MAIO: Finais de liga en Conxo, os 8 1º de cada liga
maís o 1º equipo de cada conferencia, mais os 4 mellores en varados.

Algunhas destas datas pode variar .

Suscribirse a: Entradas (Atom)

MEMBROS DE ACD FURABOLOS:

PRESIDENTE: XOSE ANTON
SECRETARIA: RAQUEL
TESOUREIRO: TOÑO
VOGAL 1: IVAN
VOGAL 2 : YOLANDA

QUEN SOMOS:
Somos unha asociación de xogos tradicionais especialmente baseados no xogo da billarda, coa nosa sede ubicada en Lardeiros concello do Pino .Co ánimo de espandir polo mundo enteiro este xogo (e outros xogos tradicionais) levamos uns meses rocorrendo toda Galiza, competindo con outra xente e preparándonos para poder ensinar e fomentar iste deporte.

FUNDAMENTO DO XOGO :

O xogo consiste en tratar de chegar coa billarda ata o varal antes cao teu contrincante, utilizando para o mesmo golpexos que imos dando co palán na billarda, despois de levantala do chan co mesmo, e golpeala posteriormente no aire para enviala cara o varal.

NORMAS DO XOGO:

O xogo realizase nun campo de forma rectangular e cunhas medidas de 50 metros de longo por 20 metros de ancho. O campo ten marcado as medidas do mesmo cunha raia que une os puntos todos do mesmo. Ó mesmo tempo nun dos laterais de 20 metros ten marcado no centro un cadrado de 60 cm x 60 cm denominado zona de saque. No outro lateral está marcado o varal que ten unha medida de 3,60 metros de lonxitude. O varal non posúe longueiro polo que prolongaremos a liña imaxinaria dos postes.
Tendo o campo marcado comenzamos a xogar:

XOGAMOS:

Os palanadores situanse na zona de saque, cada un co seu palán e máis coa súa billarda. A orde de lanzamento será alternativa.

O primeiro palanador situa a súa billarda no chan e sobre a zona de saque. Co palán suxeitado coa man temos que golpeala billarda nun dos seus extremos para que ela brinque polo aire e así poder baterlle de novo sen que a mesma caia ó chan. No lanzamento trataremos de que a billarda colla a dirección do varal. Cada xogador só ten unha opción de golpe válida, polo que se o xogador golpea a billarda no chan e esta non se levanta, considerase opción de tiro, e pasa o turno ó contrincante. Se a billarda se levanta do chan pero non a golpeamos no aire, ocorre o mesmo, pasa o turno ó contrario. Calquera situación na que a billarda é tocada polo palán, está considerada coma lanzamento, tanto se é un bo lance, coma se é malo. A billarda nunca se pode golpear desde que toque no chan despois de ser levantada, pero mentras que a mesma non o toque, podémola golpear no aire tantas veces coma a nosa habilidade nolo permita.

No primeiro lanzamento o xogador pode chegar a conseguir introducir a billarda no varal, acción que se denomina "varado". Se esto sucedese ó seu contrario tería que facer a mesma xogada para empatar a partida, senón a partida xa ten gañador. Se o primeiro lanzamento non consegue ser varado, o palanador fai o seguinte lanzamento desde o sitio que a billarda se detén despois de ser lanzada. Está prohibido mover, parar ou desviar a billarda intencionadamente mentras a mesma está rodando. Se este mesmo lanzamento, ou calquera outro, sae por fóra da pista o seguinte faise desde o punto da liña por onde a billarda se bote fóra, denominada esta acción "saque de banda". Só podemos sacar de banda cando a billarda despois de ser lanzada toca polo menos unha vez dentro da pista, porque se o lanzamento sae fóra directamente, vólvese ó sitio de onde lanzamos. Se o lance sae pola liña de fondo, a billarda volve a situarse no mesmo sitio

No caso de que unha billarda caia ou pare xusto na liña de banda ou na liña de varal, só se considera que está fóra ou dentro respectivamente, cando a billarda supera por completo a liña, tendo que estar todo o corpo da billarda do outro lado.

Como xa dixemos, a orde de tiro é alternativa, e gaña a partida aquel xogador que consegue meter a billarda por entre o varal antes ca o seu contrincante, usando sempre o mesmo número de lances ámbolos dous palanadores. Pode darse o caso de que unha partida quede en empate, sempre que no memos número de golpes os palanadores metan as súas billardas no varal.

COMPETICIÓNS:

Segundo o número de xogadores a participar no xogo pódense organizar diferentes tipos de competicións, o que mais se fai son abertos ou liguillas entre os palanadores.