ACD FURABOLOS: ABERTO DIA DA PATRIA

29/7/09

ABERTO DIA DA PATRIA

Despois desta reveindicación Billarda patria e loita, e dese gran torneo de billarda xogado en Belvis, no que se proclamou vencedor Santi da asemblea aberta despois de vencer nunha loita a morte contra Toño de furabolos chega a cita do gran Aberto Fouciño de ouro que se vai celebrar o 8/08/2009 ás 16:00 en Lardeiros no concello de O Pino.

2 comentarios:

Anónimo dijo...: santi venceu en calcetíns no aberto da patria , toño randeeira invadíu de glamour A Coruña no Aberto da Auténtica calzado coas súa zocas, descalzos ó Pino para cos pés a lardo vivo loitar polo Fouciño de Ouro, vemonos alí, avante indixenismo billardeiro!!

zimmer103; 6/8/09
Anónimo dijo...: Ben, o 1º aberto do Fouciño de Ouro (macizo, non do que caga o mouro) foi espectacular por dúas cousas primeiro porque participou moita xente de moitos sitios e en segundo lugar porque se creou a Conferencia Central (Área Estornela)que vai facer moita forza na LNB do 2009-2010.
O día estivo fresco, pero a xente achegouse igual ó aparcadoiro do Cruceiro, penso que se van facer moitas máis citas alí polo céntrico do sitio para todos e tamén porque Pepe nos deu ben de comer, repetirase máis veces.
Os Campións coma sempre moi ben, na billarda tamén é importante o día que teñas e a sorte, neste caso os afortunados foron Toño de Furabolos que acadou o fouciño de ouro, Rubén de Furabolos o de prata e Daniel de Billardeiros Musicais o de bronce, Daniel tamén acadou o premio de triples.
Para o ano xa temos cita no 2º aberto do Fouciño de Ouro, esperámosvos, e agora a prepararse para a Liga que xa chega setembro, ánimo Furabolos!!!
Saúdos Raquel.; 14/8/09

Publicar un comentario

MEMBROS DE ACD FURABOLOS:

PRESIDENTE: XOSE ANTON
SECRETARIA: RAQUEL
TESOUREIRO: TOÑO
VOGAL 1: IVAN
VOGAL 2 : YOLANDA

QUEN SOMOS:
Somos unha asociación de xogos tradicionais especialmente baseados no xogo da billarda, coa nosa sede ubicada en Lardeiros concello do Pino .Co ánimo de espandir polo mundo enteiro este xogo (e outros xogos tradicionais) levamos uns meses rocorrendo toda Galiza, competindo con outra xente e preparándonos para poder ensinar e fomentar iste deporte.

FUNDAMENTO DO XOGO :

O xogo consiste en tratar de chegar coa billarda ata o varal antes cao teu contrincante, utilizando para o mesmo golpexos que imos dando co palán na billarda, despois de levantala do chan co mesmo, e golpeala posteriormente no aire para enviala cara o varal.

NORMAS DO XOGO:

O xogo realizase nun campo de forma rectangular e cunhas medidas de 50 metros de longo por 20 metros de ancho. O campo ten marcado as medidas do mesmo cunha raia que une os puntos todos do mesmo. Ó mesmo tempo nun dos laterais de 20 metros ten marcado no centro un cadrado de 60 cm x 60 cm denominado zona de saque. No outro lateral está marcado o varal que ten unha medida de 3,60 metros de lonxitude. O varal non posúe longueiro polo que prolongaremos a liña imaxinaria dos postes.
Tendo o campo marcado comenzamos a xogar:

XOGAMOS:

Os palanadores situanse na zona de saque, cada un co seu palán e máis coa súa billarda. A orde de lanzamento será alternativa.

O primeiro palanador situa a súa billarda no chan e sobre a zona de saque. Co palán suxeitado coa man temos que golpeala billarda nun dos seus extremos para que ela brinque polo aire e así poder baterlle de novo sen que a mesma caia ó chan. No lanzamento trataremos de que a billarda colla a dirección do varal. Cada xogador só ten unha opción de golpe válida, polo que se o xogador golpea a billarda no chan e esta non se levanta, considerase opción de tiro, e pasa o turno ó contrincante. Se a billarda se levanta do chan pero non a golpeamos no aire, ocorre o mesmo, pasa o turno ó contrario. Calquera situación na que a billarda é tocada polo palán, está considerada coma lanzamento, tanto se é un bo lance, coma se é malo. A billarda nunca se pode golpear desde que toque no chan despois de ser levantada, pero mentras que a mesma non o toque, podémola golpear no aire tantas veces coma a nosa habilidade nolo permita.

No primeiro lanzamento o xogador pode chegar a conseguir introducir a billarda no varal, acción que se denomina "varado". Se esto sucedese ó seu contrario tería que facer a mesma xogada para empatar a partida, senón a partida xa ten gañador. Se o primeiro lanzamento non consegue ser varado, o palanador fai o seguinte lanzamento desde o sitio que a billarda se detén despois de ser lanzada. Está prohibido mover, parar ou desviar a billarda intencionadamente mentras a mesma está rodando. Se este mesmo lanzamento, ou calquera outro, sae por fóra da pista o seguinte faise desde o punto da liña por onde a billarda se bote fóra, denominada esta acción "saque de banda". Só podemos sacar de banda cando a billarda despois de ser lanzada toca polo menos unha vez dentro da pista, porque se o lanzamento sae fóra directamente, vólvese ó sitio de onde lanzamos. Se o lance sae pola liña de fondo, a billarda volve a situarse no mesmo sitio

No caso de que unha billarda caia ou pare xusto na liña de banda ou na liña de varal, só se considera que está fóra ou dentro respectivamente, cando a billarda supera por completo a liña, tendo que estar todo o corpo da billarda do outro lado.

Como xa dixemos, a orde de tiro é alternativa, e gaña a partida aquel xogador que consegue meter a billarda por entre o varal antes ca o seu contrincante, usando sempre o mesmo número de lances ámbolos dous palanadores. Pode darse o caso de que unha partida quede en empate, sempre que no memos número de golpes os palanadores metan as súas billardas no varal.

COMPETICIÓNS:

Segundo o número de xogadores a participar no xogo pódense organizar diferentes tipos de competicións, o que mais se fai son abertos ou liguillas entre os palanadores.